Қазір несиеге бәрін де алуға болады. Тұрғын үйді де, автокөлікті де, тіпті, киімді де. Тек банк қарызын уақтылы өтей алсаңыз болғаны. Ал махаббат атты құдіретті сезімді несиеге алуға бола ма? Бұл сұрақтың жауабын режиссер Сәбит Әбдіхалықовтың «Несиеге махаббат» («Любовь в кредит») атты кино-комедиясынан таба аласыз.
«Несиеге махаббат» — комедиялық жанрда түсірілген кино. Бірақ бұл жеңіл күлкі шақыратын, болмаса еріксіз езу тартқызатын арзанқол туынды емес. Бұл — халықтың бүгінгі қоғамда несиеден тартқан азабы мен көрген қиыншылықтарын көрерменге кино арқылы жеткізетін туынды. Қазақ және орыс тілдерінде түсірілген 1 сағат 28 минуттық туындыда диалог аз.
Киноның сценарийін жазу барысында Сәбит Әбдіхалықовқа актер Сафуан Рысбайұлы мен Нұргелді Садығұлов ақыл-кеңестерін беріпті. Ал кинода елімізге танымал Лидия Каденова, Сафуан Рысбайұлы, Қайрат Әділгерей, Жанатбек Бәйтеков, Әбунасыр Серіков тәрізді тағы да басқа мықты актерлер мен актрисалар ойнайды. Сонымен кино не себепті «Несиеге махаббат» деп аталды?
— Қазір адамның жүрегі екі нәрсеге ауырады: бірі — махаббат, екіншісі — несие. Рас, бүгінде несиеге тұрмысқа қажетті дүниенің барлығын алуға болады. Тіпті, бір-бірін сүйіп қосылған екі жастың тойын да несие алып жасаймыз. Қазір несиесі жоқ адам «бақытты жанның» қатарына жатады. Ал несиесі барлары күні-түні мазасызданып, әбігерге түседі. Сондықтан халықтың көңілінен шығар кино түсіруді ұйғардым. Кино комедиялық жанрда болғанымен, күлкі арқылы көрерменге титтей де болса ой салғымыз келді, — дейді режиссер Сәбит Әбдіхалықов. Режиссер: Сәбит Әбдіқалықов Рөлдерде: Қайрат Домбай, Салтанат Жұмабекова, Сафуан Рысбай, Гүлшат Тутова Шығарушы: "Қазығұртфильм", 2010 ж. Жанр: Комедия
Қазір несиеге бәрін де алуға болады. Тұрғын үйді де, автокөлікті де, тіпті, киімді де. Тек банк қарызын уақтылы өтей алсаңыз болғаны. Ал махаббат атты құдіретті сезімді несиеге алуға бола ма? Бұл сұрақтың жауабын режиссер Сәбит Әбдіхалықовтың «Несиеге махаббат» («Любовь в кредит») атты кино-комедиясынан таба аласыз.
«Несиеге махаббат» — комедиялық жанрда түсірілген кино. Бірақ бұл жеңіл күлкі шақыратын, болмаса еріксіз езу тартқызатын арзанқол туынды емес. Бұл — халықтың бүгінгі қоғамда несиеден тартқан азабы мен көрген қиыншылықтарын көрерменге кино арқылы жеткізетін туынды. Қазақ және орыс тілдерінде түсірілген 1 сағат 28 минуттық туындыда диалог аз.
Киноның сценарийін жазу барысында Сәбит Әбдіхалықовқа актер Сафуан Рысбайұлы мен Нұргелді Садығұлов ақыл-кеңестерін беріпті. Ал кинода елімізге танымал Лидия Каденова, Сафуан Рысбайұлы, Қайрат Әділгерей, Жанатбек Бәйтеков, Әбунасыр Серіков тәрізді тағы да басқа мықты актерлер мен актрисалар ойнайды. Сонымен кино не себепті «Несиеге махаббат» деп аталды?
— Қазір адамның жүрегі екі нәрсеге ауырады: бірі — махаббат, екіншісі — несие. Рас, бүгінде несиеге тұрмысқа қажетті дүниенің барлығын алуға болады. Тіпті, бір-бірін сүйіп қосылған екі жастың тойын да несие алып жасаймыз. Қазір несиесі жоқ адам «бақытты жанның» қатарына жатады. Ал несиесі барлары күні-түні мазасызданып, әбігерге түседі. Сондықтан халықтың көңілінен шығар кино түсіруді ұйғардым. Кино комедиялық жанрда болғанымен, күлкі арқылы көрерменге титтей де болса ой салғымыз келді, — дейді режиссер Сәбит Әбдіхалықов.
...
